شعارنا فى هذا البنك الخيري
( الدال على الخير كفاعله) أزرع شجرة من فكرة وأجني ثمرتها يوم القيامة
فكرة مشروع الارملة
فكرة مشروع الارملة
مشروع اليوم عاوز له شغل شويه بس ثوابه كبير و بجد بننفع بيه ناس كتير و مبيكلفش حاجة بالعكس المكسب بيبقى اكتر من اللى بيتصرف
الحمد لله رب العالمين ربنا كرمنى و اشتغلت فى جمعية خيريه بس انا كنت بعاتب عليهم فى موضوع المعارض الخيريه و الهدوم اللى بتتباع بطريقه غير لطيفة ( الهدوم مبهدله و مش مكويه و مقطعه و مش نظيفه ) دا بعض اللى كان بيحصل
المهم الجمعيه بتبيع قطعة الهدوم بحوالى 4 - 5 جنية فأنا عرضت عليهم فكرة تنفع بجد كتر من الارامل بدل ما الهدوم بتتباع بطريقه غير لطيفه زى ما وضحنا قبل كدا قولتلهم اننا ممكن نفيد الارامل انهم يشتغلوا فى غسل و كوى وتخييط الهدوم المحتاجه و تكييس الهدوم و تتباع الهدوم بسعر أعلى شويه
يعنى خلينا نوضح بالارقام يعنى لو القطعة بتتباع بـ5 جنيه احنا ممكن نخلى الارمله تيجى و تكوى و تغسل و تكيس و تخيط الهدوم اللى محتاجه و قابله للتخييط لو محتاجه , و طبعا الارمله هتاخد حوالى جنيه للقطعة و بدل ما قطعه الهدوم تتباع بـ 5 جنيه ممكن نبيعها مكويه و متكيسه بحوالى 6 جنيه يعنى كدا ضربنا عصفورين بحجر شغلنا ارامل كتير و خدنا بردو الـ 5 جنيه اللى احنا بناخدها على طول
فى جمعيات كتير فيها هدوم والله والله والله بالهبل ملهاش حصر , دا ممكن يفيد و يشغل ارامل بالهبل و بكدا ناخد ثواب توفير فلوس للأيتام و توفير فرص عمل و ستر بيت مسلمين و حاجات تانيه كتير
كل المطلوب اننا نعرض الفكرة دى على جمعيات خيريه كتير و نتابع معاهم
منقول من مدونة أفكار لعمل الخير
مشروع خيري له أجر عظيم ...
